აშშ-ის სახელმწიფო დეპარტამენტმა უკრაინისთვის 185 მილიონი დოლარის ღირებულების სამხედრო პაკეტის მიყიდვა დაამტკიცა, რომელიც ამერიკული სატრანსპორტო საშუალებებისა და იარაღის სისტემებისთვის სათადარიგო ნაწილებისა და აღჭურვილობის მიწოდებას მოიცავს.
„სახელმწიფო დეპარტამენტმა დაამტკიცა უკრაინის საგარეო სამხედრო მთავრობისთვის IX კლასის სათადარიგო ნაწილებისა და მათთან დაკავშირებული აღჭურვილობის პოტენციური მიყიდვა, რომლის სავარაუდო ღირებულება 185 მილიონი დოლარია“, - ნათქვამია ამერიკის თავდაცვისა და უსაფრთხოების თანამშრომლობის სააგენტოს განცხადებაში.
ეს ნაწილები გამოიყენება ამერიკის მიერ მანამდე გადაცემული სატრანსპორტო საშუალებებისა და იარაღის სისტემების მომსახურებისთვის, რაც ასევე ლოჯისტიკურ და პროგრამულ მხარდაჭერასაც მოიცავს.
აშშ-ის ოფიციალური პირების განცხადებით, სათადარიგო ნაწილების მიწოდებით ბრძოლის ველზე უკრაინას საშუალება ექნება სწრაფად და ეფექტურად ჩაატაროს სამხედრო ტექნიკის სარემონტო სამუშაოები.
