ესტონეთის საგარეო საქმეთა მინისტრმა მარგუს ცაჰკნამ, რომელიც უკრაინაში იმყოფება, კიევში „უძლეველობის პუნქტი“ გახსნა, რომელსაც მისი ქვეყანა დააფინანსებს.
ამის შესახებ მინისტრი Х-ზე წერს.
ესტონეთის საგარეო საქმეთა მინისტრის თქმით, დაწესებულება უზრუნველყოფს თავშესაფარს, სითბოს და ფსიქოლოგიურ მხარდაჭერას მიმდინარე რუსული ტერორისა და ელექტროენერგიისა და გათბობის ხანგრძლივი გათიშვის ფონზე.
„სიბნელის გარემოცვაში, სინათლის ეს სხივი ხელს უწყობს იმის უზრუნველყოფას, რომ რუსეთის მცდელობები, გატეხოს უკრაინელი ხალხის სულისკვეთება, წარუმატებელი აღმოჩნდეს“, - დასძინა მან.
