ომის დასრულების მოლაპარაკების პროცესის ფარგლებში, შემდგომი შეხვედრები უკვე იგეგმება; ის, სავარაუდოდ, შეერთებულ შტატებში გაიმართება. ამის შესახებ უკრაინის პრეზიდენტმა ვოლოდიმირ ზელენსკიმ მიმართვისას ისაუბრა.
ზელენსკიმ განაცხადა, რომ მიიღო მომლაპარაკებელთა ჯგუფის ანგარიში არაბთა გაერთიანებულ საამიროებში ამერიკულ და რუსულ მხარეებთან ორდღიანი შეხვედრებისა და მოლაპარაკებების შემდეგ.
ის კიევში გუნდისგან სრულ ანგარიშს ელოდება, რადგან ბევრი ასპექტის ტელეფონით განხილვა შეუძლებელია.
„ამ დროისთვის არსებული ინფორმაციით, უახლოეს მომავალში, შემდგომი შეხვედრები სავარაუდოდ, ამერიკაში, იგეგმება“, - განაცხადა ზელენსკიმ.
პრეზიდენტმა აღნიშნა, რომ უკრაინა მზადაა ყველა სამუშაო ფორმატისთვის, რაც ნამდვილად დააახლოებს მშვიდობას და გახდის მას საიმედოს, ხანგრძლივს და ისეთს, რომელიც რუსეთს ომის შემდგომ სურვილს დაუკარგავს.
მნიშვნელოვანია, რომ ეს ომი ისე დასრულდეს, რომ რუსეთი აგრესიისთვის არ დაჯილდოვდეს. ეს არის ერთ-ერთი მთავარი პრინციპი, რომელიც აღადგენს და უზრუნველყოფს ნამდვილ უსაფრთხოებას. მადლობას ვუხდი ყველა ჩვენს პარტნიორს, ვინც ამაში გვიჭერს მხარს“, - თქვა ზელენსკიმ.
4-5 თებერვალს აბუ-დაბიში სამმხრივი მოლაპარაკებების შემდეგ გავრცელებული კომუნიკეს თანახმად, აშშ-ის, უკრაინისა და რუსეთის დელეგაციებმა განიხილეს ცეცხლის შეწყვეტისა და საომარი მოქმედებების შეწყვეტის შესაძლებლობების მონიტორინგის მეთოდები.
კომუნიკეს უკრაინის ეროვნული უსაფრთხოებისა და თავდაცვის თავმჯდომარე, რუსტემ უმეროვი აქვეყნებს.
“საუბრები კონსტრუქციული იყო და ფოკუსირდებოდნენ იმაზე, თუ როგორ შეიქმნას პირობები მყარი მშვიდობისთვის.
დელეგაციებმა შეთანხმებას მიაღწიეს, რომლითაც როგორც რუსეთის ფედერაცია ისევე უკრაინა 157 ომის ტყვეს გაათავისუფლებენ. ეს პირველი გაცვლაა ბოლო ხუთ თვეში.
ორი დღის მანძილზე დელეგაციებს ფართო სპექტრის საუბრები ჰქონდათ დარჩენილ ღია პრობლემებზე, მათ შორის ცეცხლის შეწყვეტის განხორციელების მეთოდებზე და საბრძოლო ქმედებების შეჩერების მონიტორინგზე”, - ნათქვამია განცხადებაში.
