აშშ-ის სახელმწიფო მდივანმა, მარკო რუბიომ, აბუ დაბიში მიმდინარე მოლაპარაკებების მიმდინარეობის კომენტირებისას, ამ საკითხთან დაკავშირებით კარგ და ცუდ ამბებზე პრესკონფერენციაზე ისაუბრა. იუწყება უკრაინული მედია.
როგორც რუბიომ აღნიშნა, ძალიან დიდი ხნის შემდეგ პირველად, უკრაინისა და რუსეთის ტექნიკური სამხედრო ჯგუფები ხვდებიან ფორმატში, რომელშიც ასევე შედიან აშშ-ის წარმომადგენლები სტივ უიტკოფი და ჯარედ კუშნერი.
„არ მინდა ვთქვა, რომ თავად მოლაპარაკებები პროგრესია, მაგრამ კარგია, რომ ურთიერთქმედება არსებობს. ასევე მინდა გავაფრთხილო ყველა, რომ ასეთ საკითხებში ბევრი დელიკატური მომენტია. პროგრესი, სავარაუდოდ, ინფორმაციის გაჟონვის საშუალებითაც კი არ გახდება ცნობილი, ვიდრე რეალურად არ მივაღწევთ გარღვევას. ჩვენი მიზანია, საქმისადმი ერთგულები დავრჩეთ. ჩვენ ამას ერთი წელი დავუთმეთ. გვჯერა, რომ რეალურ პროგრესს მივაღწიეთ“, - აღნიშნა მან.
რუბიოს თქმით, კარგი ამბავი არის ის, რომ უკრაინასა და რუსეთს შორის არსებული „გადაუჭრელი საკითხების სია“ „მნიშვნელოვნად შემცირდა“.
„ეს კარგი ამბავია. ცუდი ამბავი ის არის, რომ საკითხები, რომლებიც დარჩა, ყველაზე რთულია. ამასობაში კი ომი გრძელდება. ასე რომ, ამის შესახებ მხოლოდ იმის თქმა შემიძლია, რომ ჩვენ ამაში მნიშვნელოვან დროსა და ენერგიას ძალიან მაღალ დონეზე ვდებთ. ჩვენ გავაგრძელებთ ყველაფრის გაკეთებას, რაც ჩვენს ძალებშია, რათა მივაღწიოთ გარღვევას“, - დასძინა მან.
