ისრაელში ვიზიტის შემდეგ, აშშ-ის პრეზიდენტის სპეციალური წარმომადგენელი სტივ უიტკოფი უკრაინასა და რუსეთს შორის მოლაპარაკებების შემდეგ რაუნდს დაესწრება, რომელიც 4-5 თებერვალს აბუ დაბიში გაიმართება.
ამის შესახებ Axios-ის ჟურნალისტი ბარაკ რავიდი წერს.
ჟურნალისტის ინფორმაციით, აშშ-ის პრეზიდენტის სპეციალური წარმომადგენელი უიტკოფი ისრაელში 3 თებერვალს ჩავა, საიდანაც ის არაბთა გაერთიანებულ საამიროებში გაემგზავრება.
ოთხშაბათს და ხუთშაბათს აბუ-დაბიში უიტკოფი რუსეთთან და უკრაინასთან მოლაპარაკებების კიდევ ერთ რაუნდს გამართავს.
