აშშ-ის პრეზიდენტმა დონალდ ტრამპმა განაცხადა, რომ ინდოეთი ვენესუელისგან ნავთობს შეიძენს დაჩინეთსაც მოუწოდა, მას შეუერთდეს.
ამის შესახებ ტრამპმა ჟურნალისტებთან საუბრისას განაცხადა.
„ჩინეთს შეუძლია შემოვიდეს და ნავთობზე დიდი გარიგება დადოს. იცით, მოხარული ვიქნებოდით მათი ნახვით. ჩვენ უკვე მოვაწერეთ ხელი შეთანხმებას. ინდოეთი ვენესუელურ ნავთობს ირანული ნავთობის ნაცვლად შეიძენს. ამიტომ, ჩვენ უკვე შევთანხმდით შეთანხმების კონცეფციაზე. თუმცა, ჩინეთსაც შეუძლია ამის გაკეთება,“ - განაცხადა ტრამპმა.
ამის მიუხედავად, ტრამპმა განაცხადა, რომ აშშ-ს კარაკასთან ჯერ არ განუხილავს ვენესუელური ნავთობის გაყიდვიდან მიღებული მოგების განაწილების საკითხი.
თუმცა, ამერიკის პრეზიდენტის თქმით, ვაშინგტონს ამჟამად ვენესუელის ხელმძღვანელობასთან შესანიშნავი ურთიერთობები აქვს. ისინი შესანიშნავ საქმეს აკეთებენ... ისინი უფრო მეტს გამოიმუშავებენ, ვიდრე ოდესმე. და ეს ჩვენთვის სასარგებლო იქნება,“ - აღნიშნა ტრამპმა.
