საფრანგეთის პრეზიდენტმა ემანუელ მაკრონმა განაცხადა, რომ სატელეფონო საუბარი შედგა უკრაინის პრეზიდენტ ვოლოდიმირ ზელენსკისთან, რომელთანაც სხვა საკითხებთან ერთად განიხილეს უკრაინას, აშშ-სა და რუსეთს შორის აბუ-დაბიში გამართული მოლაპარაკებები. ამის შესახებ მაკრონი Х-ზე წერს.
საფრანგეთის ლიდერმა განაცხადა, რომ „მსურველთა კოალიცია“ აგრძელებს მუშაობას სამართლიანი და მდგრადი მშვიდობის პირობების შესაქმნელად, რაც უზრუნველყოფს უკრაინისა და ევროპის უსაფრთხოებას.
„ჩვენ განვიხილეთ გასულ კვირას აბუ-დაბიში დაწყებული მოლაპარაკებების პროგრესი.
„ჩვენ საერთო დასკვნამდე მივედით, რომ ევროპელები სრულად უნდა იყვნენ ჩართულნი იმ დისკუსიებში, რომლებიც მათ პირდაპირ ეხება“, - აღნიშნა საფრანგეთის პრეზიდენტმა.
მაკრონმა დასძინა, რომ საფრანგეთს ასევე მტკიცედ არის გადაწყვეტილი, გააძლიეროს ზეწოლა რუსეთზე.
„ჩვენ ევროპულ დონეზე ახალ სანქციებზე ვმუშაობთ და გავაგრძელებთ ძალისხმევას „ჩრდილოვანი ფლოტის“ საქმიანობის შეზღუდვის მიზნით“, - აღნიშნა მაკრონმა.
საფრანგეთის პრეზიდენტმა ასევე განაცხადა, რომ ხარკოვის რეგიონში სამგზავრო მატარებელზე გუშინდელი თავდასხმა მიუღებელია.
მან აღნიშნა, რომ საფრანგეთი უკიდურესად მტკიცედ გმობს რუსეთის თავდასხმებს მშვიდობიან მოსახლეობასა და ენერგეტიკულ ინფრასტრუქტურაზე.
„გადაუდებელი სიტუაციის გათვალისწინებით, ჩვენ მობილიზებას ვახდენთ.
„დიდი შვიდეულის“ შეხვედრის შემდეგ, რომელსაც საფრანგეთი თანათავმჯდომარეობს, უკრაინაში გენერატორები გაიგზავნება, რათა მოსახლეობას ზამთრის გადატანაში დავეხმაროთ“, - განაცხადა საფრანგეთის პრეზიდენტმა.
