საქართველო რუსეთთან პოლიტიკურად უფრო დაახლოვდა, - ამის შესახებ ფინეთის სადაზვერვო სამსახურის ეროვნული უსაფრთხოების შესახებ ანგარიშშია ნათქვამი.
„რუსეთის ყურადღება ყოფილი საბჭოთა კავშირის ტერიტორიაზეა გადატანილი, განსაკუთრებით კი უკრაინაში მიმდინარე ომზე, რომელსაც ის სხვა მიზნების ხარჯზე წინ მიიწევს. რუსეთი სამხრეთ კავკასიაში მნიშვნელოვან მოთამაშედ რჩება, თუმცა მისი გავლენა შემცირდა. მან დაკარგა სომხეთსა და აზერბაიჯანს შორის კონფლიქტის გარე მარეგულირებლის პოზიცია და ორივე ქვეყნის ურთიერთობა რუსეთთან შესუსტდა. მეორეს მხრივ, საქართველო პოლიტიკურად რუსეთს უფრო მეტად დაუახლოვდა. ", - წერია ანგარიშში.
