აშშ-ში ძლიერი ქარბუქის გამო ელექტროენერგიის გარეშე დარჩენილი აბონენტების რაოდენობამ 1 მილიონს გადააჭარბა.
საერთო ჯამში ელექტროენერგიის გათიშვა 1,018,477 აბონენტს შეეხო. ყველაზე მეტია ტენესის (306,722), მისისიპის (175,276) და ლუიზიანას (145,105) შტატებში.
ქვეყნის მასშტაბით, ბოლო ორ დღეში 14 000-ზე მეტი ავიარეისი გაუქმდა.
ამასთან, რონალდ რეიგანის სახელობის ვაშინგტონის ეროვნული აეროპორტიდან ყველა რეისი განუსაზღვრელი ვადით გაუქმდა.
წინასწარი ინფორმაციით, შემდეგი რამდენიმე ფრენა შესაძლოა ნაწილობრივ მხოლოდ ორშაბათს განახლდეს.
აშშ-ის პრეზიდენტმა, დონალდ ტრამპმა ქარბუქსა და ყინვას „ისტორიული“ უწოდა და ფედერალური საგანგებო მდგომარეობა გამოაცხადა სამხრეთ კაროლინაში, ვირჯინიაში, ტენესისში, ჯორჯიაში, ჩრდილოეთ კაროლინაში, მერილენდში, არკანზასში, კენტუკიში, ლუიზიანაში, მისისიპში, ინდიანასა და დასავლეთ ვირჯინიაში. ჯამში, ქვეყნის 18 შტატში საგანგებო მდგომარეობაა გამოცხადებული.
