აშშ-ის ცენტრალური და სამხრეთ შტატები ძლიერმა ქარბუქმა და ყინვამ მოიცვა. ქვეყნის 18 შტატში საგანგებო მდგომარეობაა გამოცხადებული. იუწყება ABC News.
მედიის ცნობით, ძლიერი ქარბუქის გამო გამო 180 მილიონზე მეტი ადამიანი მზადყოფნის მაღალ დონეზეა.
ასევე იუწყებიან, რომ ყინულის საფარმა მოიცვა ტერიტორია ტეხასიდან უკიდურეს ჩრდილოეთით, მაინისა და ნიუ ჰემფშირის შტატებამდე. მოსალოდნელია, რომ ყინვა ქარბუქი სამხრეთ შტატების პარალიზებას გამოიწვევს.
მანამდე გავრცელდა ინფორმაცია, რომ აშშ-ში თოვლის ქარბუქის გამო თითქმის 15 000 რეისი გაუქმდა. სინოპტიკოსები ნულ გრადუსს ქვემოთ ტემპერატურას მომდევნო კვირის განმავლობაშიც პროგნოზირებენ.
