საგარეო საქმეთა მინისტრმა ანდრიი სიბიჰამ 24 იანვრის ღამეს რუსეთის მასშტაბური თავდასხმის შესხახებ განაცხადა, რომ კრემლის ლიდერმა ვლადიმირ პუტინმა დარტყმის ბრძანება იმ დროს გასცა, როდესაც არაბთა გაერთიანებულ საამიროებში აშშ-ის ხელმძღვანელობით სამშვიდობო პროცესის შესახებ მოლაპარაკებები მიმდინარეობდა. ამის შესახებ სიბიჰა Х-ზე წერს.
სიბიჰამ აღნიშნა, რომ რუსეთის დარტყმებმა განსაკუთრებით უდიდესი ქალაქები, კიევი და ხარკოვი დააზარალა. გარდა ამისა, დარტყმების შემდეგ ჩერნიჰივი ელექტროენერგიის გარეშე დარჩა.
სიბიჰას თქმით, რუსეთის მთავარი მიზნები უცვლელი რჩება: ენერგეტიკული ობიექტები და საცხოვრებელი ტერიტორიები.
„პუტინმა ცინიკური ბრძანება გასცა უკრაინაზე სასტიკი, მასიური სარაკეტო დარტყმის შესახებ ზუსტად მაშინ, როდესაც დელეგაციები აბუ-დაბიში იკრიბებოდნენ აშშ-ის ხელმძღვანელობით სამშვიდობო პროცესის წინ წასაწევად. მისი რაკეტები არა მხოლოდ ჩვენს ხალხს, არამედ მოლაპარაკებების მაგიდასაც დაესხნენ თავს“, - აღნიშნა მან.
მინისტრის თქმით, ეს თავდასხმა იმის დასტურია, რომ „პუტინის ადგილი არა სამშვიდობო მოლაპარაკებების მაგიდასთან, არამედ სპეციალური ტრიბუნალის ბრალდებულის სკამზეა“.
24 იანვრის ღამეს რუსულმა დრონებმა ხარკოშვი საცხოვრებელ შენობებს დაარტყეს.
მაღალსართულიან კორპუსში ბინებს ცეცხლი გაუჩნდა, დაზიანდა საერთო საცხოვრებელი, სადაც იძულებით გადაადგილებულ პირებს იმყოფებოდნენ, ასევე საავადმყოფო და სამშობიარო სახლი. დაშავდა 14 ადამიანი, მათ შორის ორსული ქალი და ბავშვი.
რუსმა ოკუპანტებმა კიევს დრონებითა და ბალისტიკური რაკეტებით შეუტიეს. დარტყმები სამ რაიონში დაფიქსირდა, სულ მცირე ერთი ადამიანი დაიღუპა, სამი მძიმედ დაშავდა.
