21 იანვრის ღამეს დნიპროპეტროვსკის ოლქში რუსეთის საჰაერო დარტყმების შედეგად ორი ადამიანი დაიღუპა და ერთი დაშავდა.
ამის შესახებ ინფორმაციას საოლქო სამხედრო ადმინისტრაციის ხელმძღვანელი ოლექსანდრ განჯა ავრცელებს.
მისი ცნობით, მტერმა დრონით იერიში სინელნიკოვის რაიონზე მიიტანა. დაიღუპა 77 წლის და 72 წლის ორი ადამიანი. კიდევ დაშავდა 53 წლის პირი, რომელიც საავადმყოფოში გადაიყვანეს. ადგილზე დაზიანდა 3 კერძო სახლი, გაჩნდა ხანძარი.
