აშშ-ის პრეზიდენტი დონალდ ტრამპი დავოსში, მსოფლიო ეკონომიკური ფორუმის ფარგლებში, უკრაინის ლიდერ ვოლოდიმირ ზელენსკისთან შეხვედრას გეგმავს. ამის შესახებ Axios წყაროზე დაყრდნობით იუწყება.
წყაროს ცნობით, ტრამპი ზელენსკისთან, ასევე რამდენიმე ევროპელ ლიდერთან შეხვედრას გეგმავს.
ამავდროულად, წყაროს თქმით, შეხვედრებიდან რაიმე გარღვევა მოსალოდნელი არ არის.
სტატიაში ასევე აღნიშნავს, რომ გრენლანდიის გარშემო შექმნილი ვითარების გამო, დავოსში უკრაინის თემა, კერძოდ, უსაფრთხოების გარანტიებსა და რეკონსტრუქციასთან დაკავშირებით შეერთებულ შტატებს, უკრაინასა და ევროპის ქვეყნებს შორის ურთიერთგაგების მიღწევა, უკანა პლანზე გადავიდა.
უკრაინელმა ოფიციალურმა პირმა განაცხადა, რომ ტრამპსა და ზელენსკის შორის „კეთილდღეობის გეგმის“ ხელმოწერა გადაიდო.
თუმცა, აშშ-ის ოფიციალურმა პირმა უარყო, რომ ამისთვის რაიმე თარიღი იყო დადგენილი და თქვა, რომ გეგმა ჯერ კიდევ დასასრულებელია.
