მოლდოვამ დსთ-დან გასვლის პროცესი დაიწყო, - ამის შესახებ მოლდოვის საგარეო საქმეთა მინისტრმა, მიჰაი პოპშოიმ განაცხადა.
„მოლდოვის რესპუბლიკა დსთ-ს წევრი აღარ იქნება. ჩვენი ქვეყნის დსთ-ში გაწევრიანების საფუძვლად არსებული შეთანხმებების დენონსაცია დამტკიცების პროცესშია და დოკუმენტები მალე პარლამენტს გადაეცემა“ - თქვა მან.
საუბარია დსთ-ს წესდების, ორგანიზაციის შექმნის შესახებ შეთანხმებისა და ამ შეთანხმების დანართის შესახებ.
მან აღნიშნა, რომ მოლდოვა აღარ მონაწილეობს ორგანიზაციის მუშაობაში და მიმდინარე ნაბიჯი დაასრულებს გასვლის სამართლებრივ პროცესს.
