დონალდ ტრამპმა კირ სტარმერთან სატელეფონო საუბრისას განაცხადა, რომ გრენლანდიაში ევროპული ჯარების გაგზავნაზე შესაძლოა, მას მცდარი ინფორმაცია ჰქონდა. ინფორმაციას Sky News წყაროებზე დაყრდნობით ავრცელებს.
გამოცემის ცნობით, ამან შესაძლოა, გზა გაუხსნას გრენლანდიის გარშემო დაძაბულობის დეესკალაციას.
წყაროების ცნობით, აშშ-ის პრეზიდენტმა გრენლანდიაზე ევროპელი სამხედროების გაგზავნა მის წინააღმდეგ მიმართულ პროვოკაციად მიიჩნია და სწორედ ამის გამო გამოაცხადა დამატებითი ტარიფების დაწესების შესახებ.
ბრიტანეთის პრემიერ-მინისტრმა სატელეფონო საუბრისას სცადა, დაერწმუნებინა ტრამპი, რომ სამხედროების გაგზავნა ეხება აშშ-ის უსაფრთხოების საკითხების გადაჭრას და არა ამერიკულ მუქარებთან დაპირისპირებას.
