კრემლში აცხადებენ, რომ რუსეთის ლიდერმა ვლადიმირ პუტინმა დიპლომატიური არხებით მიიღო მიწვევა, შეუერთდეს აშშ-ის პრეზიდენტის დონალდ ტრამპის მიერ ინიცირებულ ღაზის „სამშვიდობო საბჭოს“. ამის შესახებ რუსეთის პრეზიდენტის პრესსპიკერმა დმიტრი პესკოვმა განაცხადა.
პესკოვის თქმით, კრემლი ამჟამად ამ წინადადების დეტალებს სწავლობს.
„ამჟამად ჩვენ ამ წინადადების ყველა დეტალს ვსწავლობთ. ვიმედოვნებთ, რომ ამერიკულ მხარეს დავუკავშირდებით ყველა ნიუანსის გასარკვევად“, - დასძინა მან.
ვაშინგტონმა „მშვიდობის საბჭოს“ მუშაობაში მონაწილეობის მისაღებად 50 ქვეყნის ლიდერი მიიწვია, მათ შორის არგენტინის, კანადის, საფრანგეთის, გერმანიის, ავსტრალიის, ბაჰრეინის, ეგვიპტის, თურქეთისა და ისრაელის.
18 იანვარს, Bloomberg-მა გაავრცელა ინფორმაცია, რომ დონალდ ტრამპი მშვიდობის საბჭოში“ მუდმივი წევრობისთვის ქვეყნებისგან 1 მილიარდ დოლარს ითხოვს
