საფრანგეთის პრეზიდენტმა ემანუელ მაკრონმა აშშ-ის პრეზიდენტ დონალდ ტრამპის მუქარაs გრენლანდიის გამო ევროპის ზოგიერთი ქვეყნისთვის ტარიფების დაწესების შესახებ მიუღებელი და არასწორი უწოდა. ამის შესახებ მაკრონი Х-ზე წერს.
„საფრანგეთი ერთგულია ერების სუვერენიტეტისა და დამოუკიდებლობის იდეის მიმართ, ევროპაში თუ სხვაგან. ეს განსაზღვრავს ჩვენს არჩევანს. ეს არის საფუძველი გაერო-ს და მისი წესდების მიმართ ჩვენი ერთგულების. სწორედ ამ საფუძველზე ვუჭერთ და კვლავ განვაგრძობთ უკრაინის მხარდაჭერას, ამის საფუძველზე, ამ პრინციპებისა და ჩვენი უსაფრთხოების დასაცავად შევქმენით „მსურველთა კოალიცია“ მტკიცე და მდგრადი მშვიდობისთვის. სწორედ ამის საფუძველზე გადავწყვიტეთ, შევერთებოდით გრენლანდიაში დანიის მიერ ორგანიზებული წვრთნებს. ჩვენ ვრჩებით ამ გადაწყვეტილების ერთგული. განსაკუთრებით, როცა ეს ეხება არქტიკისა და ჩვენი ევროპის საზღვრების უსაფრთხოებას.
ვერანაირი დაშინება ან მუქარს არ იმოქმედებს ჩვენზე, არც უკრაინაში, არც გრენლანდიაში და არც სხვაგან მსოფლიოს, როდესაც ასეთ სიტუაციებს ვაწყდებით. ტარიფების შემოღებით მუქარა მიუღებელია და ამ კონტექსტში ადგილო არ აქვს. ევროპელები მათ ერთიან და კოორდინირებულ პასუხს გასცემენ, თუ ეს დადასტურდება. ჩვენ ვიცით, როგორ დავიხვათ ევროპის სუვერენიტეტი. სწორედ ამ სულისკვეთებით ვაპირებთ მოლაპარაკებების წარმოებას ჩვენს ევროპელ პარტნიორებთან,“ - წერს მაკრონი.
შეგახსენებთ, დღეს აშშ-ის პრეზიდენტმა დონალდ ტრამპმა განაცხადა, რომ გრენლანდიის გამო დანიას, ნორვეგიას, შვედეთს, საფრანგეთს, გერმანიას, ბრიტანეთს, ნიდერლანდებსა და ფინეთს ტარიფებს უწესებს.
