უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთის სრულმასშტაბიანი ომი უკრაინის წინააღმდეგ იმდენივე ხანს გრძელდება, რამდენიც ნაცისტური გერმანიის ომი საბჭოთა კავშირის წინააღმდეგ და რომ რუსეთმა ამ დროის განმავლობაში ვერ მიაღწია მნიშვნელოვან შედეგებს, თუმცა ყოველდღიურად სულ მცირე ათას ჯარისკაცს კარგავდს.
„ჩვენ დროს არ ვაჭიანურებთ, რუსეთისგან განსხვავებით.
რუსეთის სრულმასშტაბიანი ომი უკრაინის წინააღმდეგ იმდენივე ხანია მიმდინარეობს, რამდენიც ნაცისტური გერმანიის ომი საბჭოთა კავშირის წინააღმდეგ. დღეს უკრაინის წინააღმდეგ რუსეთის ომის 1418-ე დღეა.
მათ სურდათ გამეორება და გააკეთეს კიდეც: ხალხის დაცინვა, გაიმეორეს ფაშიზმი, გაიმეორეს თითქმის ყველაფერი ცუდი, რაც მე-20 საუკუნეში მოხდა, კიდევ დამატებით შექმნეს ომი „შაჰედებით“ და ბალისტიკური რაკეტებით ელექტროსადგურების წინააღმდეგ.
მაგრამ რუსები ისევე ისე ცდილობენ დონბასის ხელში ჩაგდებას, როგორც ოთხი წლის წინ, ისინი კვლავ იტყუებიან კუპიანსკის აღების შესახებ, ისინი დაუსრულებლად იღუპებიან ზაპოროჟიეში ბრძოლებში და კვლავ მარტო იბრძვიან უკრაინის წინააღმდეგ.
ჩვენი პარტნიორების დახმარებით, მხოლოდ ჩვენი ხალხი აკავებს ფრონტს,“ - განაცხადა ზელენსკიმ.
ზელენსკიმ აღნიშნა, რომ დეკემბრიდან მოყოლებული, რუსეთის დანაკარგები ომში დღეში სულ მცირე 1000-ს შეადგენს.
„და რუსეთი ფაქტობრივად ამდენ ფულს იხდის ომის გასაგრძელებლად. ეს სიგიჟეა. და ამ რუსული სიგიჟის შეჩერება მხოლოდ ევროპისა და შეერთებული შტატების გაერთიანებული ძალებით და ჩვენი ყველა პარტნიორის ძალებით შეიძლება. ომის ყოველი დღე იმის შეხსენებაა, რომ მსოფლიოს არ შეუძლია დაიცვას თავი შეშლილებისგან. ჩვენ უნდა დავიცვათ, ჩვენ უნდა შევაჩეროთ რუსეთი“, - თქვა ზელენსკიმ.
