აშშ-ს ცენტრალური სარდლობის (CENTCOM) განცხადებით, 10 იანვარს აშშ-მ, პარტნიორი ქვეყნების ძალებთან ერთად, სირიაში ე.წ. "ისლამური სახელმწიფოს" სამიზნეებზე მასშტაბური იერიშები მიიტანა.
X-ზე სარდლობამ იერიშების მიტანის ამსახველი კადრებიც გაავრცელა.
აშშ-ის ცენტრალური სარდლობის ცნობით, დარტყმები ტერორიზმთან ბრძოლისა და რეგიონში აშშ-ისა და პარტნიორი ძალების დაცვის მიზნით განხორციელდა.
განცხადებაში ნათქვამია, რომ ოპერაცია სახელწოდებით „ჰოუკაის დარტყმა“ დონალდ ტრამპის მითითებით დაიწყო, როგორც პირდაპირი პასუხი „ისლამური სახელმწიფოს“ მიერ 2025 წლის 13 დეკემბერს სირიაში აშშ-ისა და სირიის ძალების წინააღმდეგ განხორციელებულ თავდასხმაზე, რომლის დროსაც ორი ამერიკელი ჯარისკაცი და ერთი თარჯიმანი დაიღუპა.
„ჩვენი გზავნილი კვლავ ძლიერია: ჩვენს მებრძოლებს თუ დააზარალებთ, ჩვენ გიპოვით და მოგკლავთ მსოფლიოს ნებისმიერ წერტილში”, – აღნიშნულია აშშ-ის ცენტრალური სარდლობის განცხადებაში.
