10 იანვრის ღამეს, უკრაინის თავდაცვის ძალების დანაყოფები რუსეთის ვოლგოგრადის ოლქში მდებარე ნავთობბაზას, თავს დაესხნენ, რომელიც საოკუპაციო ძალებს საწვავით ამარაგებს.
უკრაინის შეიარაღებული ძალების გენერალური შტაბის ცნობით, ზიანის ოდენობა დგინდება.
ამავდროულად, აღინშბულია, რომ ზაპოროჟიეს ოლქის დროებით ოკუპირებულ ტერიტორიაზე რუსების მე-19 მოტორიზებული დივიზიის ერთ-ერთი ქვედანაყოფის კუთვნილი უპილოტო საფრენი აპარატების საცავი დაბომბეს.
დონეცკის ოლქის პოკროვსკის რაიონში უკრაინელებმა ასევე დაბომბეს მტრის უპილოტო საფრენი აპარატის საკონტროლო პუნქტი.„გარდა ამისა, დონეცკის ოლქის დროებით ოკუპირებულ ტერიტორიაზე დარტყმები განხორციელდა მტრის არაერთ სამიზნეზე, კერძოდ: 76-ე საჰაერო-სადესანტო-მოიერიშე დივიზიის პირადი შემადგენლობის კონცენტრაციაზე (სოფელ კურახოვკაში), ამავე დივიზიის სატანკო ბატალიონის დანაყოფის სამეთაურო-საკონტროლო პუნქტზე (სოფელ გორნიაკში) და 41-ე არმიის დანაყოფის სამეთაურო პუნქტზე (სოფელ გორნიაკში)“, - ნათქვამია განცხადებაში.
გენშტაბის განცხადებით, რომ ყველა იერიშისას, დაფიქსირდა დრონების მიერ სამიზნეების დარტყმის ფაქტი. მტრის დანაკარგები დგინდება.
