დონალდ ტრამპმა განაცხადა, რომ აშშ-ის თავდაცვის ხარჯები 2027 წელს 1.5 ტრილიონ დოლარს მიაღწევს. ამის შესახებ ტრამპი Truth Social-ში წერს.
„სენატორებთან, კონგრესმენებთან, მდივნებთან და სხვა პოლიტიკურ წარმომადგენლებთან ხანგრძლივი და რთული მოლაპარაკებების შემდეგ, მე გადავწყვიტე, რომ ჩვენი ქვეყნის საკეთილდღეოდ, განსაკუთრებით ამ ძალიან მღელვარე და სახიფათო დროს, ჩვენი თავდაცვის ბიუჯეტი 2027 წლისთვის არა 1 ტრილიონი, არამედ 1.5 ტრილიონი დოლარი უნდა იყოს,“ - წერს ტრამპი.
ტრამპმა განმარტა, რომ ეს გადაწყვეტილება ქვეყნის თავდაცვისუნარიანობის გაძლიერებასა და თანამედროვე შეიარაღებული ძალების შექმნას ისახავს მიზნად.
გარდა ამისა, ტრამპის თქმით, დამატებითი თანხები შეერთებულ შტატებს საშუალებას მისცემს შექმნას „ოცნების არმია“ და უზრუნველყოს ქვეყნის უსაფრთხოება და დაცვა „ნებისმიერი მტრისგან“.
