უკრაინაში ომი შესაძლოა 2026 წლის პირველ ნახევარში დასრულდეს. ამის შესახებ უკრაინის პრეზიდენტმა ვოლოდიმირ ზელენსკიმ კვიპროსის მიერ ევროკავშირის საბჭოს თავმჯდომარეობის დაწყებისადმი მიძღვნილ ცერემონიაზე სიტყვით გამოსვლისას განაცხადა.
„ჩვენ აღვნიშნავთ, რომ მოლაპარაკებმა ჩვენს ევროპელ პარტნიორებთან და, რა თქმა უნდა, შეერთებულ შტატებთან და „მსურველთა კოალიციის“ ყველა წევრთან ერთად ახალ ეტაპს მიაღწია. ჩვენ გვესმის, რომ ეს ომი შეიძლება დასრულდეს თქვენი [ევროკავშირის] პრეზიდენტობის დროს“, - აღნიშნა მან კვიპროსის წარმომადგენლებისადმი მიმართვისას.
უკრაინული მესია წერს, რომ ეს ნიშნავს, რომ საუბარია 2026 წლის პირველ ნახევარზე, რადგან კვიპროსი ევროკავშირის საბჭოს თავმჯდომარე ქვეყანა იქნება 2026 წლის 1 ივლისამდე.
ზელენსკის თქმით, ევროკავშირი მნიშვნელოვან როლს ასრულებს სამშვიდობო პროცესში.
მან დასძინა, რომ რუსეთის წინააღმდეგ სანქციები, უკრაინის მხარდაჭერა და მისი თავდაცვისუნარიანობის გაძლიერება ხელს უწყობს მტრის დამარცხების შესაძლებლობას.
„მზადდება ახალი პაკეტი და იდგმება არაერთი ნაბიჯი რუსეთის ჩრდილოვან ფლოტზე დარტყმის მისაყენებლად, რადგან ყოველ დოლარს, რომელსაც რუსეთი კარგავს, აგრესორის რანგში კარგავს“, - აღნიშნა ზელენსკიმ.
