ვოლოდიმირ ზელენსკის თქმით, უკრაინაში უცხოური კონტინგენტის რაოდენობა და მოქმედებები თითქმის შეთანხმებულია
უკრაინის პრეზიდენტმა ვოლოდიმირ ზელენსკიმ განაცხადა, რომ ევროპული უსაფრთხოების გარანტიების ფარგლებში უკრაინაში უცხოური შემაკავებელი ძალის კონტიტენტისრაოდენობა და ფუნქციები თითქმის შეთანხმებულია, თუმცა ის დეტალებს ამ ეტაპზე ვერ გაასაჯაროვებს.
ამის შესახებ ზელენსკი ჟურნალისტებს ესაუბრა.
პრეზიდენტს ჰკითხეს, იყო თუ არა უკვე შეთანხმებული შემაკავებელი კონტინგენტის რაოდენობრივი და თვისებრივი შემადგენლობა, მისი განლაგება უკრაინაში და მოქმედების გეგმა რუსული აგრესიის შემთხვევაში; შეეძლოთ თუ არა ამ ძალებს ბრძოლაში ჩართვა უკრაინაზე ახალი თავდასხმის შემთხვევაში, ან განიხილება თუ არა მხარდაჭერის სხვა ფორმები.
„გუშინ საფრანგეთიდან, დიდი ბრიტანეთიდან, ამერიკის შეერთებული შტატებიდან და უკრაინიდან ჩვენი გენერლების დეტალური ანგარიში იყო... პრინციპში, ყველა დეტალი ქვეყნებს შორის შეთანხმებულია.
პრინციპში, მე მჯერა, რომ ჩვენ უკვე გვაქვს პასუხები თქვენს მიერ დასმულ შეკითხვებზე. და არის მხარდაჭერა, იარაღი, ყოფნა [ძალების], არსებობს პასუხები ყველა ამ კითხვაზე. მაგრამ... ჯერ არ ვარ მზად ამაზე საჯაროდ სასაუბროდ“, - განაცხადა ზელენსკიმ.
მან ასევე განმარტა, რომ უკრაინისთვის ევროპული უსაფრთხოების გარანტიების ფარგლებში, ევროპული ბირთვული სახელმწიფოების მხრიდან „ბირთვული ქოლგის“ განხილვა არ განიხილება, არამედ განიხილება მრავალკომპონენტიანი ზომები უკრაინის თავდაცვისუნარიანობის მხარდასაჭერად და რუსეთის შემდგომი აგრესიის შესაკავებლად.
