საფრანგეთის, დიდი ბრიტანეთისა და უკრაინის გენერალური შტაბების უფროსებმა უკრაინისთვის უსაფრთხოების გარანტიების საკითხი განიხილეს. ამის შესახებ საფრანგეთის შეიარაღებული ძალების გენერალური შტაბის უფროსი, ფაბიენ მანდონი X-ზე წერს.
მისი ინფორმაციით, პარიზში გამართულ შეხვედრას დიდი ბრიტანეთის გენერალური შტაბის უფროსი რიჩ ნაითონი, უკრაინის შეიარაღებული ძალების გენერალური შტაბის უფროსი ანდრეი გნატოვი და ევროპაში მოკავშირეთა შეიარაღებული ძალების მეთაური ალექსუს გრინკევიჩი ესწრებოდნენ.
აღნიშნული შეხვედრა „მსურველთა კოალიციის“ შეხვედრის წინ გაიმართა.
„უკრაინაში უსაფრთხოების გარანტიები და მათი განხორციელების პროცედურები ჩვენი ვიდეოკონფერენციების ცენტრში იყო კოალიციური არმიების მოხალისე შტაბების უფროსებთან.
ჩვენს კოალიციასთან და შეერთებულ შტატებთან თანამშრომლობით რამდენიმე თვის განმავლობაში ჩატარებული სამხედრო სამუშაოები მხარს უჭერს ჩვენს კონტინენტზე მდგრადი მშვიდობის დამყარების პოლიტიკურ ძალისხმევას“, - წერს მანდონი.
შეგახსენებთ, დღეს, „მსურველთა კოალიციის“შეხვედრა იმართება, როემლშიც 35 ქვეყნისა და ორგანიზაციის წარმომადგენელი მიიღებს მონაწილეობას.
