უნგრეთის პრემიერ-მინისტრი ვიქტორ ორბანი ორშაბათს გამართულ პრესკონფერენციაზე გამოეხმაურა ვენესუელაში აშშ-ის სამხედრო ოპერაციასა და ვენესუელის ლიდერის, ნიკოლას მადუროს დაკავებას.
ორბანმა აღნიშნა, რომ ეს ახალი სამყაროს, „ახალი ენის“ ერთ-ერთი ძლიერი გამოვლინებაა.
„ეს არის ენა, რომელზეც მსოფლიო მომავალში ილაპარაკებს. უნგრეთისთვის მნიშვნელოვანია ის, რომ ვენესუელასთან ერთად, შეერთებული შტატები, სავარაუდოდ, მსოფლიო ნავთობის მარაგების 40-50 პროცენტს გააკონტროლებს. ეს არის ძალა, რომელსაც შეუძლია მნიშვნელოვნად იმოქმედოს გლობალურ ენერგოფასებზე,“ - განაცხადა ორბანმა.
მისი თქით, ამერიკელებს ტრამპის მიერ გამოცხადებული ეკონომიკური პროგრამის განსახორციელებლად უფრო იაფი ენერგია სჭირდებათ და „ეს კარგი ამბავია უნგრეთისთვის“.
„მე ვხედავ სერიოზულ შანსს, რომ ვენესუელაზე კონტროლის მოპოვების შემდეგ უნგრეთს ენერგეტიკულ ბაზარზე უფრო ხელსაყრელი სიტუაცია ექნება,“ - განაცხადა ორბანმა.
