ვენესუელის სახელმწიფოს მეთაურის თანამდებობას ვიცე-პრეზიდენტი როდრიგესი დაიკავებს.
ვენესუელის უზენაესი სასამართლოს საკონსტიტუციო პალატამ დაადგინა, რომ ვიცე-პრეზიდენტი დელსი როდრიგესი ნიკოლას მადუროს არყოფნის დროს პრეზიდენტის მოვალეობის შემსრულებელი იქნება. ინფორმაციას Reuters ავრცელებს.
სასამართლოს გადაწყვეტილებაში ნათქვამია, რომ როდრიგესი დაიკავებს „ვენესუელის ბოლივარიული რესპუბლიკის პრეზიდენტის თანამდებობას ადმინისტრაციული უწყვეტობისა და ერის ყოვლისმომცველი დაცვის უზრუნველყოფის მიზნით“.
ვენესუელის კონსტიტუციის თანახმად, მადუროს არყოფნის შემთხვევაში, ქვეყანაში ძალაუფლება დელსი როდრიგესს უნდა გადაეცეს.
შეგახსენებთ, შაბათს მედიაში გავრცელდა ინფორმაცია, რომ როდრიგესი რუსეთში იმყოფებოდა.
