სამჯერ გვაქვს პატიმრების გათავისუფლების საკითხი ხელისუფლებასთან დაყენებული, მათ შორის მზია ამაღლობელზე, - ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე აცხადებს.
ანდრია ჯაღმაიძის კომენტარს ფეისბუქგვერდი "საეკლესიო სიახლეები" ავრცელებს.
“სამჯერ გვაქვს პატიმრების გათავისუფლების საკითხი ხელისუფლებასთან დაყენებული, მათ შორის მზია ამაღლობელზე. ორჯერ მე თავად მქონდა საუბარი და ერთხელ მეუფე შიომ უშუალოდ პრემიერთან დააყენა ეს საკითხი, მაგრამ არ მიეცა ამ საკითხს მსვლელობა.
ჩვენ ამას არ ვაფიშირებთ და არ გვინდა, რომ ნებისმიერი ჩვენი აქტივობა რომელიმე პოლიტიკურ პოლუსზე აღმოჩნდეს” - აცხადებს დეკანოზი ანდრია ჯაღმაიძე.
