ოდესის ოლქში 19 დეკემბერს პორტის ინფრასტრუქტურაზე რუსეთის სარაკეტო თავდასხმის შედეგად დაღუპულთა რაოდენობა 8-მდე გაიზარდა, დაშავებულია კიდევ 27 ადამიანი.
ინფორმაციას საგანგებო სიტიაციების მართვის სამსახური ავრცელებს.
„ოდესის ოლქში მტრის თავდასხმას რვა ადამიანის სიცოცხლე შეეწირა, კიდევ 27 ადამიანი დაშავდა. გუშინ ღამით რუსეთმა ოდესის ოლქში პორტის ინფრასტრუქტურულ ობიექტზე სარაკეტო იერიში მიიტანა“, - აღნიშნულია ინფორმაციაში.
მაშველების ცნობით, დაშავებულთაგან რამდენიმე ავტობუსში იმყოფებოდა, რომელიც დარტყმის ეპიცენტრში აღმოჩნდა.
ავტოსადგომზე სატვირთო მანქანებს ცეცხლი გაუჩნდა, ასევე დაზიანდა მსუბუქი ავტომობილები.
ყველა ხანძრის კერა ჩამქრალია.
