აშშ-ის ენერგეტიკული სექტორის წინააღმდეგ სანქციების ახალ რაუნდს ამზადებს, თუ კრემლის ლიდერი ვლადიმირ პუტინი რუსეთ-უკრაინის ომში სამშვიდობო შეთანხმებას არ დათანხმდება. ამის შესახებ Bloomberg წყაროზე დაყრდნობით იუწყება.
ინფორმირებული წყაროების ცნობით, აშშ სხვადასხვა ვარიანტს განიხილავს.
სამიზნე იქნება რუსული ნავთობის ტრანსპორტირებისთვის გამოყენებული რუსული ტანკერების „ჩრდილოვანი ფლოტის“ გემები და ტრეიდერები, რომლებიც ხელს უწყობენ ამ ოპერაციებს.
წყაროების ცნობით, ახალი ზომების გამოცხადება შესაძლოა ამ კვირაშიც კი მოხდეს.
წყაროების თქმით, აშშ-ის ფინანსთა მინისტრმა სკოტ ბესენტმა აღნიშნული საკითხი ევროპელი ელჩების ჯგუფთან ამ კვირის დასაწყისში შეხვედრის დროს განიხილა. ამავდროულად, წყაროებმა განაცხადეს, რომ საბოლოო გადაწყვეტილება აშშ-ის პრეზიდენტმა, დონალდ ტრამპმა უნდა მიიღოს.
