დიდმა ბრიტანეთმა უკრაინისთვის 600 მილიონი ფუნტის (680 მილიონ ევროზე მეტი) სამხედრო დახმარების პაკეტის გამოყოფის შესახებ განაცხადა, რომელიც საჰაერო თავდაცვის აღჭურვილობას მოიცავს. ამის შესახებ Sky News წერს.

ბრიტანეთის თავდაცვის მდივნის, ჯონ ჰილის თქმით, რომელიც სამშაბათს რამშტეინის ფორმატში უკრაინის თავდაცვის საკითხებზე საკონტაქტო ჯგუფის 32-ე შეხვედრას თანათავმჯდომარეობს, კიევი მიიღებს „საჰაერო თავდაცვის სისტემებს, რაკეტებს და ავტომატიზირებულ კოშკურებს დრონების ჩამოსაგდებად“, რათა უზრუნველყოს ახალი თავდაცვითი შესაძლებლობები, რაც ხელს შეუწყობს რუსული დრონების ჩამოგდებას ზამთარში.

„უკრაინელები დიდი მამაცობით აგრძელებენ ბრძოლას - როგორც სამხედროები, ასევე მშვიდობიანი მოქალაქეები.

დიდი ბრიტანეთის მიერ წელს განხორციელებული 600 მილიონი ფუნტის ინვესტიცია კრიტიკულად მნიშვნელოვანია უკრაინელებისთვის, რომლებიც იცავენ თავიანთ ქალაქებს, სოფლებსა და ენერგეტიკულ ინფრასტრუქტურას რუსეთის ბარბაროსული თავდასხმებისგან“, - განაცხადა  მინისტრმა.

მან აღნიშნა, რომ რამშტაინის ჯგუფი მუშაობს უკრაინისთვის სასიცოცხლოდ მნიშვნელოვანი მხარდაჭერის გაწევაზე იმისათვის, რომ უკრაინა მშვიდობის უზრუნველყოფისათვის ძლიერ პოზიციაზე იდგეს.