დონალდ ტრამპის სპეციალურ წარმომადგენელთან, ჯონ კოულთან შეხვედრის შემდეგ, ბელარუსის პრეზიდენტმა ალექსანდრ ლუკაშენკამ 123 პოლიტპატიმარი გაათავისუფლა, მათ შორის არის ერთ-ერთი ყველაზე ცნობილი პატიმარი, მარია კოლესნიკოვა, ყოფილი საპრეზიდენტო კანდიდატის, ვიქტორ ბაბარიკოს თანამოაზრე.
„ბელარუსის პრეზიდენტმა, ალექსანდრე ლუკაშენკომ აშშ-ის პრეზიდენტთან, დონალდ ტრამპთან მიღწეული შეთანხმებების ფარგლებში და მისი თხოვნით, სხვადასხვა ქვეყნის 123 მოქალაქე შეიწყალა“, - აცხადებს ბელარუსის პრეზიდენტის ადმინისტრაცია.
გათავისუფლებულ პატიმრებს შორის დიდი ბრიტანეთის, აშშ-ის, ლიეტუვის, უკრაინის, ლატვიის, ავსტრალიისა და იაპონიის მოქალაქეები არიან.
აღნიშნულია, რომ ეს ხდება აშშ-ს მიერ ბელარუსის კალიუმის ინდუსტრიაზე დაწესებული სანქციების მოხსნის ფონზე.
ბელარუსი პოლიტპატიმრების წინა მასშტაბური გათავისუფლება ასევე მოხდა ლუკაშენკასა და აშშ-ის ოფიციალურ პირებს შორის 11 სექტემბერს გამართული შეხვედრის შემდეგ, როდესაც 51 პატიმარი გაათავისუფლეს. ლუკაშენკასა და სპეციალურ წარმომადგენელ კელოგს შორის 21 ივნისს გამართული შეხვედრის შემდეგ, 14 პატიმარი გათავისუფლდა.
