უკრაინის პრეზიდენტმა ვოლოდიმირ ზელენსკიმ განაცხადა, რომ მან „კარგი და პროდუქტიული“ შეხვედრა გამართა ნატო-ს გენერალურ მდივან მარკ რუტესთან, ევროპული საბჭოს პრეზიდენტ ანტონიო კოშტასთან და ევროკომისიის პრეზიდენტ ურსულა ფონ დერ ლაიენთან.
„კარგი და ნაყოფიერი შეხვედრა მქონდა ნატო-ს გენერალურ მდივან მარკ რუტესთან, ევროპული საბჭოს პრეზიდენტ ანტონიო კოშტასთან და ევროკომისიის პრეზიდენტ ურსულა ფონ დერ ლაიენთან,“ - წერს ზელენსკი.
ზელენსკიმ აღნიშნა, რომ მან „ლიდერებს დიპლომატიურ გზაზე არსებული ვითარების შესახებ მიაწოდა ინფორმაცია“.
„დეტალურად განვიხილეთ ჩვენი მუშაობა ჩვენს ამერიკელ პარტნიორებთან მშვიდობისკენ გადადგმულ ნაბიჯებზე, უსაფრთხოების გარანტიებსა და ჩვენი მდგრადობის გაძლიერებაზე.
ასევე შევეხეთ PURL-ის ინიციატივას და რეპარაციების სესხს. შევათანხმეთ ჩვენი პოზიციები ყველა საკითხთან დაკავშირებით. ჩვენ ვმოქმედებთ კოორდინირებულად და კონსტრუქციულად,“- - წერს უკრაინის პრეზიდენტი.
8 დეკემბერს, დიდი ბრიტანეთის პრემიერ-მინისტრი კირ სტარმერო ლონდონში უკრაინის პრეზიდენტ ვოლოდიმირ ზელენსკის, გერმანიის კანცლერ ფრიდრიხ მერცსა და საფრანგეთის პრეზიდენტ ემანუელ მაკრონს შეხვდა.
ზელენსკიმ განაცხადა, რომ 8 დეკემბერს შეხვედრაზე საფუძვლიანად შეათანხმეს შეერთებულ შტატებთან საერთო დიპლომატიური ხაზი, განიხილეს უკრაინის უსაფრთხოების გარანტიები, ომის შემდგომი რეკონსტრუქცია და თავდაცვის მხარდაჭერის გაგრძელება.
