ავსტრალიისა და ახალი ზელანდიის მთავრობები უკრაინას 70 მილიონ დოლარზე მეტი ღირებულების დამატებით სამხედრო დახმარებას გამოუყოფენ.
ამის შესახებ უკრაინის ელჩმა ავსტრალიაში ვასილი მიროშნიჩენკომ განაცხადა.
ავსტრალიის მთავრობამ გამოაცხადა, რომ უკრაინას 95 მილიონი ავსტრალიური დოლარის (63 მილიონი აშშ დოლარი) ოდენობის სამხედრო დახმარებას გაუწევს.
აღნიშნული თანხა მოიცავს 50 მილიონს PURL-ის ინიციატივისთვის („უკრაინის პრიორიტეტული მოთხოვნების სიის“), 2 მილიონს „დრონების კოალიციისთვის“ და 43 მილიონს სამხედრო აღჭურვილობისთვის, კერძოდ, ტაქტიკური საჰაერო თავდაცვის რადარებისთვის, საბრძოლო მასალისა და საინჟინრო მხარდაჭერის აღჭურვილობისთვის.
გარდა ამისა, ახალი ზელანდიის მთავრობამ 15 მილიონი ახალზელანდიური დოლარი (დაახლოებით 8.7 მილიონი აშშ დოლარი) გამოყო PURL-ის ინიციატივის მხარდასაჭერად, რომელიც უკრაინის არმიას იარაღითა და აღჭურვილობით ამარაგებს.
