საქართველოს კალათბურთელთა ნაკრები მსოფლიო ჩემპიონატის შესარჩევ მატჩში ესპანეთს ესტუმრა და 61:90 დამარცხდა.
ჯიკიჩის გუნდმა ძალიან სუსტად ითამაშა და 29 ქულის სხვაობით წააგო.
უნდა აღინიშნოს 17 წლის მათე ხატიაშვილის თამაში, რომელმაც ეროვნულ გუნდში სადებიუტო ქულების აღება სწორედ დღევანდელ მატჩში მოახერხა. ბასკონიას ახალგაზრდა ლეგიონერმა 21 წუთში 10 ქულა მოაგროვა და ეს, შენგელიასთან ერთად, ჩვენს გუნდში საუკეთესო მაჩვენებელი იყო.
გიორგი შერმადინმა ამ მატჩით სანაკრებო თამაში დაასრულა.
ნოემბრის ფანჯრის შემდეგ, საქართველოს ნაკრები დანიასთან ერთად ჯგუფის აუტსაიდერთა შორისაა, ქულების სხვაობით კი - ბოლო ადგილზე. ქართველი კალათბურთელები 27 თებერვალს დანიაში სტუმრად ითამაშებენ, 2 მარტს კი დანიელებს შინ მიიღებენ.
