კარაკასი ვაშინგტონისგან მოითხოვს აშშ-მა პატივი სცეს ვენესუელის საჰაერო სივრცეს. ამის შესახებ ნათქვამია მთავრობის მიერ გავრცელებულ კომუნიკეში.
„ვენესუელა მოითხოვს მისი საჰაერო სივრცის პატივისცემას, რომელიც დაცულია სამოქალაქო ავიაციის საერთაშორისო ორგანიზაციის წესებით და დადასტურებულია 1944 წლის ჩიკაგოს კონვენციით“, - ნათქვამია დოკუმენტში.
ვენესუელის ხელისუფლება ტრამპის განცხადებას ქვეყნის სუვერენიტეტის წინააღმდეგ „კოლონიალისტურ საფრთხედ“ აღიქვამს და საერთაშორისო სამართალთან შეუთავსებლად მიიჩნევს.
„ამ ტიპის განცხადება წარმოადგენს მტრულ, ცალმხრივ და თვითნებურ ქმედებას. ვენესუელა მოითხოვს თავისი საჰაერო სივრცის პატივისცემას და აფრთხილებს, რომ არ მიიღებს ბრძანებებს, მუქარას ან ჩარევას ნებისმიერი უცხო ძალისგან“, – ნათქვამია ვენესუელის მთავრობის განცხადებაში.
კარაკასმა ასევე მოუწოდა საერთაშორისო საზოგადოებას, გაერო-ს, მტკიცედ უარყონ „აგრესიის ამორალური აქტი“.
„ვენესუელას შესწევს ძალა, პასუხი გასცეს ღირსეულად, კანონიერად და ძალით, რომელიც გათვალისწინებულია საერთაშორისო სამართლითა და ჩვენი ხალხის ანტიიმპერიალისტური სულისკვეთებით“, - აღნიშნულია ვენესუელის მთავრობის განცხადებაში.
საერთაშორისო სამართლითა და ჩვენი ხალხის გათვალისწინებული ყველა ძალით“, - დაასკვნა მთავრობამ.
შეგახსენებთ, აშშ-ის პრეზიდენტმა დონალდ ტრამპმა ვენესუელის საჰაერო სივრცის დახურვის შესახებ განაცხადა.
