ტანას აღკვეთილში, დაცული ტერიტორიების სააგენტოს სპეციალისტებმა 200 ფრთა კაკაბი ველურ ბუნებაში გაუშვეს. იტყობინება დაცული ტერიტორიების სააგენტო.
უწყების ინფორმაციით, სახეობების აღდგენა და კონსერვაცია დაცული ტერიტორიების სააგენტოს საქმიანობის ერთ-ერთი მნიშვნელოვანი პრიორიტეტია.
"სააგენტო ამ მიმართულებით არაერთ პროექტს ახორციელებს, რომელიც მიზნად ისახავს იშვიათი და საფრთხის წინაშე მყოფი სახეობების შენარჩუნებასა და მათი ბუნებრივი პოპულაციების გამყარებას.
კაკაბი ველური ბუნების სახეობაა და ძირითადად აღმოსავლეთ საქართველოშია გავრცელებული.
პოპულაციის აღდგენის ხელშეწყობის მიზნით, მსგავსი აქტივობა ასევე განხორციელდა ბორჯომ-ხარაგაულისა და ალგეთის ეროვნულ პარკებში.
კაკბები აღნიშნულ დაცულ ტერიტორიებს საჩუქრად გადასცა საქველმოქმედო ფონდმა „ქართუმ“. ბიძინა ივანიშვილი და მისი ოჯახი უკვე წლებია უნიკალურ ფრინველთა ჯიშების გამრავლებას და შემდეგ ველურ ბუნებაში მათ გაშვებას აფინანსებს", - ნათქვამია გავრცელებულ ინფორმაციაში.
