რუსეთის საგარეო საქმეთა მინისტრმა სერგეი ლავროვმა, BBC-ის კითხვაზე პასუხის გაცემისას, რეალურად იმართება თუ არა აბუ-დაბიში რუსეთისა და აშშ-ის წარმომადგენლებს შორის შეხვედრა უკრაინაში ომის დასრულების გეგმაზე, განაცხადა, რომ მოსკოვი არასწორად მიიჩნევს ასეთი მოლაპარაკებების შესახებ ინფორმაციის გასაჯაროებას მათ დასრულებამდე.
მან დასავლური მედიის მიერ გავრცელებულ ინფორმაციას მოლაპარაკებების შესახებ, რომლისთვისაც აშშ-ის არმიის მდივანი დენ დრისკოლი აბუ-დაბიში ჩავიდა, „გაჟონვა, მუდმივი სპეკულაცია, ჭორების გავრცელება“ უწოდა.
ლავროვის თქმით, მათი მიზანია „დონალდ ტრამპის ინიციატივისთვის ძირის გამოთხრა, იმ ნაწილში რომელიც ანკორიჯში მიღწეულ შეთანხმებებს იმეორებს“, ანუ რუსეთის პოზიციას უკრაინაში ომის დასრულების პირობებთან დაკავშირებით.
„ჩვენ ამას არ ვაკეთებთ. ჩვენ გვსურს ვიმოქმედოთ ისე, როგორც ეს ჩვეულებისამებრ ხდება საგარეო პოლიტიკის წარმომადგენლებისთვის და კონფიდენციალურად შევთანხმდეთ, ვიდრე გამოვაცხადებთ, რაზე შევთანხმდით“, - განაცხადა ლავროვმა.
მანამდე, აშშ-სა და რუსეთის წარმომადგენლებს შორის აბუ-დაბიში გამართული შეხვედრის შესახებ დასავლური მედიასაშუალებების უმეტესობამ, მათ შორის Financial Times-მა, CBS News-მა და სხვა გამოცემებმა დაწერეს.
