უკრაინა ახლა კრიტიკულ მომენტშია და მჭიდროდ თანამშრომლობს პარტნიორებთან, რათა განსაზღვროს ნაბიჯები, რომლებიც ხელს შეუწყობს რუსეთის ომის დასრულებას. ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
მისი განცხადებით, უკრაინა მუშაობს იმის უზრუნველსაყოფად, რომ შეერთებულ შტატებთან კოორდინირებული ნაბიჯები მოიცავდეს რუსეთიდან ყველა უკრაინელი ტყის გათავისუფლებას „ყველა ყველაზე“ ფორმულის შესაბამისად და რუსეთის მიერ გატაცებული ყველა უკრაინელი ბავშვის სრულ დაბრუნებას,
„ჩვენ ახლა კრიტიკულ მომენტში ვართ და ძალიან მჭიდროდ ვთანამშრომლობთ შეერთებულ შტატებთან, ევროპელ პარტნიორებთან და ბევრ სხვასთან, რათა განვსაზღვროთ ნაბიჯები, რომლებიც საშუალებას მოგვცემს დავასრულოთ რუსეთის ომი ჩვენს წინააღმდეგ, უკრაინის წინააღმდეგ და ნამდვილად მოვუტანოთ ყველას უსაფრთხოება“, - განაცხადა ზელენსკიმ ორშაბათს, ყირიმის საერთაშორისო პლატფორმის მეოთხე საპარლამენტო სამიტზე.
პრეზიდენტის თქმით, ამჟამად მედიაში დიდი ხმაურია, ასევე პოლიტიკური ზეწოლაა იმ გადაწყვეტილების მისაღებად, რომლის მიღებაც პუტინს სურს და იმის იურიდიულად აღიარებისთვის, რაც მას სურს.
ზელენსკიმ აღნიშნა საფრთხე, რომ პუტინს ტერიტორიული ღირებულებისა და სუვერენიტეტის პრინციპის დარღვევა სურს.
„და კიდევ ერთ რამეს მინდა გავუსვა ხაზი.
„ამ ნაბიჯებში, რომლებსაც შეერთებულ შტატებთან ვახდენთ კოორდინაციას, ვცდილობთ უზრუნველვყოთ, რომ ეს დოკუმენტები შეიცავდეს უკიდურესად მგრძნობიარე საკითხებს, მათ შორის რუსეთიდან ყველა უკრაინელი ტყვის გათავისუფლებას „ყველა ყველაზე“ ფორმულით და რუსეთის მიერ გატაცებული ყველა უკრაინელი ბავშვის სრულად დაბრუნებას“, - განაცხადა პრეზიდენტმა.
მან დასძინა, რომ ეს მნიშვნელოვანი ნაბიჯებია, მაგრამ მშვიდობის მისაღწევად მეტია საჭირო. უკრაინა აგრძელებს თანამშრომლობას პარტნიორებთან, განსაკუთრებით შეერთებულ შტატებთან, ისეთი კომპრომისის მოსაძებნად, რომელიც მას გააძლიერებს და არა დაასუსტებს.
პრეზიდენტმა მოუწოდა სამიტის მონაწილეებს, მხარი დაუჭირონ უკრაინას, ევროპულ პრინციპებს და გაყინული რუსული აქტივების გადაცემის გადაწყვეტილებას.
„საზღვრების ძალით შეცვლა შეუძლებელია. დამნაშავეები არ უნდა დარჩნენ პასუხისმგებლობის დაკისრების გარეშე. მათ პასუხი უნდა აგონ ამ ომისთვის, რომელიც დაიწყეს. ამიტომ, რუსული აქტივების გაყინვის გადაწყვეტილება მნიშვნელოვანია“, - აღნიშნა მან.
