უკრაინის საჰაერო-სადესანტო-მოიერიშე ძალებმა განაცხადეს, რომ დონეცკის ოლქის ქალაქ პოკროვსკის ცენტრალური ნაწილი რუსული ძალებისგან გაწმინდეს, რაც ამჟამად ფრონტის ხაზზე ერთ-ერთ ყველაზე რთულ წერტილს წარმოადგენს.
აღინიშნა, რომ რუსები განდევნეს რკინიგზის სადგურის, პოკროვსკის პედაგოგიური კოლეჯის და სობორნის მოედნის მიმდებარე ტერიტორიებიდან, რომლებიც ქალაქის ცენტრში მდებარეობს.
ამან შესაძლებელი გახადა რუსეთის მცდელობების დაბლოკვა იქ ძალების დაგროვების შესახებ.
„თავდაცვის ძალები აკავებენ მტერს და ატარებენ სამძებრო და დარტყმით ოპერაციებს პოკროვსკში რუსების გასანადგურებლად.
ჩვენი პოზიციები ქალაქის ცენტრში შენარჩუნებულია, ბრძოლები გრძელდება და მტერი ვერ ახერხებს გამაგრებას.
ამან შესაძლებელი გახადა რუსების მცდელობების დაბლოკვა, გაეძლიერებინათ თავიანთი ძალები, რომლებიც წარუმატებლად ცდილობდნენ ქალაქის ჩრდილოეთ ნაწილზე ზეწოლის გაზრდას. ქალაქის ჩრდილოეთ ნაწილში რკინიგზის გავლით გადასვლის ნებისმიერი მცდელობა მტერს მაქსიმალურ დანაკარგებს მოუტანს,“ - აღნიშნულია საჰაერო-სადესანტო-მოიერიშე ძალების განცხადებაში.
