"ტვ პირველის" ჟურნალისტ გიორგი მამნიაშვილის ადვოკატის თორნიკე მიგინეიშვილის განცხადებით, მამნიაშვილი იზოლატორში გააშიშვლეს და ბუქნები აკეთებინეს.
ჟურნალისტი გუშინ, რუსთაველის გამზირზე მიმდინარე საპროტესტო აქციაზე, პროფესიული მოვალეობის შესრულებისას დაკავეს. მას პოლიციელის კანონიერი მოთხოვნის დაუმორჩილებლობას ედავებიან.
"გამთენიისას, დაკავებიდან რამდენიმე საათის შემდგომ, დიღმის იზოლატორში შეასახლეს და მოვინახულე „ტვ პირველის“ ჟურნალისტი — გიორგი მამნიაშვილი.
როგორც ჩვენთვის ცნობილია, მას ედავებიან პოლიციელის კანონიერი მოთხოვნის დაუმორჩილებლობას.
ჯერჯერობით საქმის მასალები არ გადმოგვცემია.
არსებითად დაირღვა გიორგი მამნიაშვილის უფლებები:
გიორგის განმარტებით, დაკავების მომენტიდან, მათ შორის პოლიციის შენობაში ყოფნისას, ტრანსპორტირებისა და იზოლატორში შესახლებისას — მუდმივად ითხოვდა ადვოკატთან დაკავშირებას, რის უფლებასაც არ აძლევდნენ.
იზოლატორში გააშიშვლეს და ბუქნები აკეთებინეს.
ორივე ზემოთ აღნიშნული ქმედება კანონით არის პირდაპირ აკრძალული.
ველოდებით სასამართლოს ჩანიშვნას", - წერს ადვიკატი.
