აშშ უკრაინას დაზვერვის მონაცემების გაზიარებისა და იარაღის მიწოდების შეწყვეტით დაემუქრა, რათა აიძულოს იგი რუსეთის მონაწილეობით შემუშავებულ „სამშვიდობო გეგმაზე“ დათანხმდეს.
ამის შესახებ ინფორმაციას Reuters ორ წყაროზე დაყრდნობით ავრცელებს.
კერძოდ, მათ განაცხადეს, რომ კიევი თეთრი სახლის მხრიდან ინტენსიური ზეწოლის ქვეშაა, უფრო დიდი, ვიდრე ნებისმიერი წინა სამშვიდობო მოლაპარაკებების დროს.
წყაროები ასევე იუწყებიან, რომ აშშ-ს სურს, რომ უკრაინამ ჩარჩო შეთანხმებას ხელი მომავალ ხუთშაბათამდე, 27 ნოემბრამდე მოაწეროს.
„მათ ომის შეჩერება სურთ და სურთ, რომ უკრაინამ გადაიხადოს ამისთვის“, - თქვა ერთ-ერთმა წყარომ.
ევროპელმა ოფიციალურმა პირებმა განაცხადეს, რომ გეგმის მრავალი ასპექტი გაურკვეველია, მათ შორის ნატო-ს საკითხი და უკრაინისთვის შესაძლო ტერიტორიული დათმობები.
ევროპა შეშფოთებულია, რომ რუსეთისთვის ტერიტორიების დათმობა მის აგრესიას წაახალისებს, თუმცა თეთრი სახლი ახალი გეგმის მიმართ ოპტიმისტურად არის განწყობილი.
