ინდურმა კორპორაცია Reliance Industries-მა 20 ნოემბრიდან გუჯარათის შტატში, ჯამნაგარში მდებარე ნავთობგადამამუშავებელ ქარხანაში რუსული ნავთობის სრულად იმპორტი შეწყვიტა. ამის შესახებ Reuters იუწყება.
ინდურმა კონგლომერატმა, რომელსაც რუსულ გიგანტ „როსნეფტთან“ დღეში თითქმის 500 000 ბარელი ნავთობის მიწოდების გრძელვადიანი ხელშეკრულება აქვს, განაცხადა, რომ მოსკოვის წინააღმდეგ სანქციებს დაიცავს.
დიდმა ბრიტანეთმა, ევროკავშირმა და აშშ-მა რუსეთს უკრაინაში ომის გამო სანქციები დაუწესეს, აშშ-ის ახალი სანქციები რუსეთის ორ უმსხვილეს ნავთობკომპანიას, „როსნეფტსა“ და „ლუკოილს“ ეხება.
Reliance-ის წარმომადგენლის განცხადებით, 1-ელი დეკემბრიდან ნავთობგადამამუშავებელი ქარხნიდან ექსპორტირებული ყველა პროდუქტი მხოლოდ არარუსული ნედლი ნავთობისგან იქნება დამზადებული.
კომპანიის განცხადებით, გადასვლა გრაფიკზე ადრე დასრულდა, რათა უზრუნველყოფილი იყოს პროდუქციის იმპორტის შეზღუდვების სრული დაცვა, რომლებიც 21 იანვარს ამოქმედდება.
აშშ-მა კომპანიებს 21 ნოემბრამდე მისცა ვადა, რათა შეწყვიტონ რუსული ნავთობპროდუქტებით ვაჭრობა. გამოცემის ცნობით, Reliance-ის ექსპორტის 28% ევროპაზე მოდის.
