ბულგარეთის მთავრობამ კონტროლი დაამყარა “ლუკოილის” საკუთრებაში არსებულ მსხვილ ნავთობგადამამუშავებელ ქარხანაზე. სერბეთს პოტენციურად შეუძლია იგივე გააკეთოს მის ტერიტორიაზე არსებული რუსული აქტივებით.
ეს მოვლენები აჩვენებს, თუ როგორ კარგავს რუსეთი გავლენას მნიშვნელოვან რეგიონში პუტინის უკრაინაში შეჭრის გამო. ამის შესახებ Bloomberg წერს.
გამოცემა აღნიშნავს, რომ როდესაც გასულ თვეში რუსეთის ნავთობის ინდუსტრიის წინააღმდეგ აშშ-ის სანქციები ამოქმედდა, ბულგარეთი მწვავე პრობლემის წინაშე აღმოჩნდა. სანქცირებული კომპანიებიდან ერთ-ერთი, ლუკოილი“, ფლობდა ქვეყნის უდიდეს ნავთობგადამამუშავებელ ქარხნას, რაც რუსეთთან მჭიდრო კავშირების მემკვიდრეობაა.
„მთავრობამ გადაწყვიტა შავი ზღვის მახლობლად მდებარე „ნაფტოხიმის“ ობიექტისა და „ლუკოილის“ სხვა აქტივების გასხვისება. მან აქციონერებს ყველანაირი უფლება ჩამოართვა და პოტენციური გაყიდვის მოსალაპარაკებლად მენეჯერი დანიშნა“, - ნათქვამია გამოცემის ინფორმაციაში.
გარდა ამისა, Bloomberg აღნიშნავს, რომ ბულგარეთის პარლამენტს სულ რაღაც 26 წამი დასჭირდა ნავთობგადამამუშავებელი ქარხნის 26-წლიანი რუსული საკუთრების გაუქმებისა და ამ გადაწყვეტილების მისაღებად.
„მოვლენების მოულოდნელმა შემობრუნებამ ათწლეულების განმავლობაში ყველაზე დიდი დარტყმა მიაყენა რუსეთის ეკონომიკურ გავლენას ბალკანეთში. პრეზიდენტ დონალდ ტრამპის ქმედებებმა რუსული ნავთობკომპანიების წინააღმდეგ შეარყია კრემლის ძალაუფლების საფუძველი რეგიონში, სადაც აღმოსავლეთი და დასავლეთი საუკუნეების განმავლობაში იბრძოდნენ გავლენისთვის“, - აღნიშნავს გამოცემა.
კიდევ ერთი ბალკანური ქვეყნის, სერბეთის, მდგომარეობაზე საუბრისას, Bloomberg აღნიშნავს, რომ იქაური მთავრობა განიხილავს ნავთობისა და გაზის კომპანია Naftna Industrija Srbije AD-ის გამოსყიდვის შესაძლებლობას მისი რუსული მფლობელის კომპანია, „გაზპრომის“ კონტროლის აღებით.
კრიტიკულად განწყობილ სერბეთის პრეზიდენტ ალექსანდრ ვუჩიჩს სურს მისი ნაციონალიზაციის თავიდან აცილება, თუმცა მან ვაშინგტონი უნდა დაარწმუნოს „გაზპრომის“ გაუქმების განზრახვაში, რათა თავიდან აიცილოს სანქციები, რომლებმაც შეიძლება მისი ქვეყანა დააზარალოს.
