Reuters-ის ინფორმაციით, შეერთებული შტატები, „სამშვიდობო გეგმის“ ფარგლებში, მოუწოდებს უკრაინას, რუსეთის ომის დასასრულებლად დათანხმდეს გარკვეული ტერიტორიებისა და იარაღის ნაწილის დათმობას.
ამის შესახებ გამოცემა ორ ანონიმ წყაროზე დაყრდნობით იუწყება.
წყაროების ცნობით, აშშ-მა უკრაინის პრეზიდენტს, ვოლოდიმირ ზელენსკის აცნობა, რომ უკრაინამ უნდა მიიღოს აშშ-ის მიერ შემუშავებული ჩარჩოდოკუმენტი რუსეთთან ომის დასასრულებლად, რომელიც კიევის მხრიდან ტერიტორიებისა და გარკვეული იარაღის დათმობას მოიცავს.
მათივე თქმით, წინადადებები, სხვა საკითხებთან ერთად, უკრაინის შეიარაღებული ძალების რაოდენობის შემცირებასაც მოიცავს.
ასევე წყაროების ცნობით, ვაშინგტონს სურს, რომ კიევმა აღნიშნული წინადადების ძირითადი პუნქტები მიიღოს.
