თეთრი სახლის წარმომადგენელმა განაცხადა, რომ აშშ-ის პრეზიდენტი დონალდ ტრამპი მზადაა ხელი მოაწეროს კანონს რუსეთის წინააღმდეგ სანქციების დაწესების შესახებ, თუ მას ექნება უფლებამოსილება, მიიღოს საბოლოო გადაწყვეტილება ამ ზომებთან დაკავშირებით. ამის შესახებ თეთრი სახლის მაღალჩინოსანმა განაცხადა. იუწყება Reuters
გავრცელებული ინფორმაციით, ტრამპმა ჟურნალისტებს განუცხადა, რომ წინააღმდეგი არ არის რესპუბლიკელებმა მოამზადონ კანონპროექტი სანქციების დაწესების შესახებ იმ ქვეყნების წინააღმდეგ, რომლებიც ბიზნესს აწრმოებენ რუსეთთან. ასევე ტრამპმა განაცხადა, რომ მათ შეუძლიათ მიიღონ მისი წინადადება ირანის სანქციებში ჩართვის შესახებ.
რესპუბლიკელმა სენატორებმა ლინდსი გრემმა და ბრაიან ფიცპატრიკმა წამოაყენეს კანონპროექტი, რომელიც ითვალისწინებს სანქციების დაწესებას იმ ქვეყნებისთვის, რომლებიც რუსეთთან საქმიანობენ, მათ შორის იმ ქვეყნებისთვისაც, რომლებიც რუსეთის ენერგორესურსებს ყიდულობენ.
როდესაც ჰკითხეს, დაუჭერდა თუ არა ტრამპი მხარს კანონპროექტს, ოფიციალურმა პირმა უპასუხა: „ის ხელს მოაწერს. მან ეს გუშინ საღამოს მკაფიოდ მიანიშნა“
თუმცა, ოფიციალური პირის თქმით, თეთრი სახლი დაჟინებით მოითხოვს კონკრეტულ ფორმულირებას, რომელიც უზრუნველყოფს, რომ ტრამპი შეინარჩუნებს კონტროლს სანქციებზე.
„თეთრი სახლისა და პრეზიდენტისთვის ყოველთვის მნიშვნელოვანი იყო, რომ სანქციების პაკეტში შესულიყო გამონაკლისი, რომელიც უზრუნველყოფს, რომ სანქციებთან დაკავშირებული გადაწყვეტილებების მიღების საბოლოო უფლებამოსილება პრეზიდენტს ჰქონდეს.
ასე რომ, თუ ეს გათვალისწინებული იქნება, ვფიქრობ, პრეზიდენტი კანონპროექტზე ხელმოწერას განიხილავს,“ - განაცხადა წყარომ.
ოფიციალურმა პირმა აღნიშნა, რომ თეთრი სახლი აგრძელებს რუსეთთან ომის დასრულების მოლაპარაკებებზე მუშაობას: „ჩვენ, რა თქმა უნდა, ვაგრძელებთ ამაზე მუშაობას. ეს უბრალოდ ახალ ამბებს არ გაუშუქებიათ, რადგან იმდენი რამ ხდება,“ - თქვა მან.
