მედიის ცნობით, ოდესის ოლქის ქალაქ იზმაილის პორტში თხევადი ბუნებრივი აირის გადამზიდავ თურქულ გემ „ორინდაზე“ რუსეთის საჰაერო დარტყმის შემდეგ, უკრაინასთან მოსაზღვრე ორი რუმინული დასახლების მაცხოვრებლების ევაკუაცია დაიწყო.
დარტყმა გაზის გადმოტვირთვის დროს მოხდა. თავდასხმის შემდეგ გემზე ხანძარი გაჩნდა, თუმცა ეკიპაჟის 16-ვე წევრი დროულად გავიდა გემიდან და არავინ დაშავებულა.
თუმცა, რუმინეთის ხელისუფლების განცხადებით, გემის აფეთქების რისკი კვლავ არსებობს. „გამოთვლებმა აჩვენა, რომ (შესაძლო აფეთქების შემთხვევაში) დაზიანების რადიუსი დაახლოებით 4.5-5 კმ იქნება“, - განაცხადა რუმინეთის საგანგებო სიტუაციების დეპარტამენტის ხელმძღვანელმა რაედ არაფატმა.
სწორედ ამ მიზეზით, თავდაპირველად მიღებულ იქნა გადაწყვეტილება სოფელ პლუარუდან მაცხოვრებლებისა და შინაური ცხოველების ევაკუაციის შესახებ, შემდეგ კი ეს ღონისძიება მეზობელი ჩატალკიოის კომუნის მოსახლეობაზეც გავრცელდა.
მედიის ცნობით, პირველი დასახლებიდან 18 ადამიანის ევაკუაცია მოხდა, მეორედან კი 300 ადამიანსგაიყვანენ.
მაცხოვრებლები საკუთარ სახლებში დაბრუნებას მას შემდეგ შეძლებენ, რაც უკრაინული მხარე გემის დარტყმის შედეგად რისკის არარსებობის შესახებ ინფორმაციას გაავრცელებს.
