„ტიტანიკის“ ერთ-ერთი უმდიდრესი მგზავრის ცხედარზე ნაპოვნი ოქროს ჯიბის საათი 22 ნოემბერს გაიყიდება. მოსალოდნელი ფასი 1 მილიონ ფუნტ სტერლინგს აჭარბებს. იუწყება Daily Mail.
საათი ეკუთვნოდა ისიდორ შტრაუსს, რომელიც აშშ-ში ყველაზე დიდი საცალო ქსელ Macy's-ის უნივერმაღის სრულუფლებიანი პარტნიორი იყო.
ის და მისი მეუღლე აიდა 1500-ზე მეტ ადამიანთან ერთად დაიღუპნენ, როდესაც ლაინერი 1912 წლის 15 აპრილს ჩაიძირა.
ინფორმაციაში ნათქვამია, რომ შტრაუსის ცხედარი ატლანტის ოკეანიდან რამდენიმე დღის შემდეგ ამოიყვანეს.
მის კუთვნილ ნივთებს შორის იყო Jules Jurgensen -ის 18-კარატიანი ოქროს საათი, რომელზეც ინიციალები - IS იყო ამოტვიფრული.
ისრები 2:20 საათზე იყო გაჩერბული - სწორედ ამ დროს ჩაიძირა „ტიტანიკი“.
აუქციონის სახლის ცნობით, საათი, სავარაუდოდ, იდამ ქმრისთვის 1888 წელს 43-ე დაბადების დღეზე აჩუქა - იმავე წელს ძმები შტრაუსები Macy's-ის სრულუფლებიანი პარტნიორები გახდნენ.
ჩაძირვის ღამეს ისიდორმა უარი თქვა სამაშველო ნავში ასვლაზე, რადგან ბორტზე ქალები და ბავშვები იმყოფებოდნენ.
იდამაც უარი თქვა ნავში გადასვლაზე, რადგან არ სურდა ქმრის დატოვება.
ბოლოს ისინი გემბანზე ნახეს, ერთმანეთის გვერდიგვერდ ისხდნენ ხელჩაკიდებულები. იდას ცხედარი ვერ იპოვეს.
„ისიდორი და იდა შტრაუსები საზოგადოების
წყვილი უკვდავყოფილია ჯეიმს კემერონის ფილმში „ტიტანიკი“, რომელშიც ხანდაზმული წყვილი ერთმანეთს ეხუტება თავიანთ კაიუტაში, როდესაც გემი იძირება.
საათი ოჯახში თაობიდან თაობას გადაეცემოდა.
ისიდორის შვილთაშვილის დიდმა შვილიშვილმა, კენეტ გოლისტერ შტრაუსმა, მოგვიანებით საათის მექანიზმი აღადგინა. ახლა შტრაუსების შთამომავლები მას პირველად გაიტანენ გასაყიდად.
საათთან ერთად გაიყიდება წერილი, რომელიც იდამ ლაინერზე 1912 წლის 10 აპრილს დაწერა.
„რა გემია! უზარმაზარი და მდიდრულად მოწყობილი. ჩვენი კაიუტები საუკეთესო გემოვნებით არის მორთული“, - წერდა ის. წერილის 150 000 ფუნტ სტერლინგად არის შეფასებული.
საათი შესაძლოა „ტიტანიკიდან“ ამოღებულ ერთ-ერთ ყველაზე ძვირფასი არტეფაქტი გახდეს.
