ლონდონმა ვაშინგტონთან კარიბის ზღვის აუზში კარიბის ზღვაში ნარკოტიკებით ვაჭრობაში სავარაუდოდ ჩართულ ნავებზე თავდასხმების გამო სადაზვერვო მონაცემების გაზიარება შეწყვიტა. ამის შესახებ CNN წყაროებზე დაყრდნობით იტყობინება.
„გაერთიანებული სამეფო აღარ უზიარებს შეერთებულ შტატებს სადაზვერვო მონაცემებს კარიბის ზღვის აუზში ნარკოტიკებით ვაჭრობაში ეჭვმიტანილი გემების შესახებ, რადგან არ სურს აშშ-ის სამხედრო დარტყმებში თანამონაწილეობა და ამ თავდასხმებს უკანონოდ მიიჩნევს“, - ნათქვამია გამოცემაში.
აღნიშნულია, რომ ეს გადაწყვეტილება სერიოზული ნაბიჯი იყო, რაც ასახავდა მზარდ სკეპტიციზმს რეგიონში ამერიკული სამხედრო კამპანიის მიმართ.
აშშ-მა კარიბის ზღვის აუზსა და წყნარი ოკეანის სანაპიროებთან გემებზე აქამდე, სულ მცირე, 19 დარტყმა განახორციელა, რის შედეგადაც, სულ მცირე, 76 ადამიანი დაიღუპა.
გაერო-ს ადამიანის უფლებათა უმაღლესმა კომისარმა, ფოლკერ ტურკმა, ხაზგასმით აღნიშნა, რომ ეს ქმედებები არღვევს საერთაშორისო სამართალს და სასამართლოს გარეშე სიკვდილით დასჯას წარმოადგენს.
წყაროების ცნობით, ბრიტანეთი ამ შეფასებას იზიარებს.
