უკრაინის თავდაცვის სამინისტროს დაზვერვის მთავარი სამმართველოს პრესსამსახურში აცხადებენ, რომ დონეცკის ოლქში ქალაქ პოკროვსკის დაცვა გრძელდება და დაზვერვის მთავარი სამმართველოს სპეცდანიშნულების რაზმები ოპერაციას აგრძელებენ.
მათივე ცნობით, პოკროვსკში სასტიკი ბრძოლები მიმდინარეობს.
„მიმდინარეობს სასტიკი ბრძოლები რუს ოკუპანტებთან. წარმატებული საჰაერო ოპერაციის შემდეგ, დაზვერვის მთავარი სამმართველოს სპეცრაზმელებს, რომლებმაც დაიკავეს განსაზღვრული პოზიციები და შექმნეს სახმელეთო დერეფანი, სპეცდანიშნულების რაზმების დამატებითი ძალები შეუერთდნენ. მიმდინარეობს საბრძოლო ოპერაციები, რომლებიც მიზნად ისახავს მტრის მცდელობების აღმოფხვრას, გააძლიერონ საცეცხლე ძალა ლოჯისტიკაზე დაზვერვის მთავარი სამმართველოს პასუხისმგებლობის ზონაში“, - აღნიშნავენ დაზვერვაში.
უსაფრთხოების მიზნით, ოპერაციების დეტალები ამ დროისთვის არ ხმაურდება.
უწყება პოკროვსკიში მიმდინარე საბრძოლო ოპერაციების კადრებსაც ავრცელებს. კადრებში ჩანს სადაზვერვო პერსონალის წვრთნის ეპიზოდები ურბანულ რაიონებში, სხვადასხვა იარაღის გამოყენებისა და დესანტის ჯარების მონაწილეობით.
