აშშ-ის პრეზიდენტმა დონალდ ტრამპმა განაცხადა, რომ პენტაგონს ნიგერიაზე შესაძლო სამხედრო დარტყმისთვის მომზადება დაავალა, თუ ნიგერიის ხელისუფლება „გააგრძელებს ქრისტიანების მკვლელობას“. ამის შესახებ ტრამპი Truth Social-ში წერს.
ტრამპი აცხადებს, რომ ნიგერიის ხელისუფლება „ქრისტიანების მკვლელობის უფლებას იძლევა“.
„თუ ნიგერიის მთავრობა ქრისტიანების მკვლელობას კვლავ დაუშვებს, შეერთებული შტატები დაუყოვნებლივ შეწყვეტს ნიგერიისთვის ყოველგვარ დახმარებას და შესაძლოა, „იარაღით ხელში“ შევიდეს ამ სამარცხვინო ქვეყანაში, რათა სრულად გაანადგუროს ისლამისტი ტერორისტები, რომლებიც ამ საშინელ სისასტიკეს სჩადიან.
ვაძლევ მითითებას ჩვენს ომის დეპარტამენტს, მოემზადოს შესაძლო მოქმედებისთვის.
თუ ჩვენ თავს დავესხმებით, ეს იქნება სწრაფი, სასტიკი და მოხერხებული, ისევე როგორც ტერორისტი ბანდიტები თავს ესხმიან ჩვენს ძვირფას ქრისტიანებს!... ნიგერიის მთავრობას ურჩევნია სწრაფად იმოქმედოს!“- წერს ტრამპი.
ნიგერიის მთავრობას საპასუხო განცხადება ჯერ არ გაუკეთებია.
ტრამპის პოსტი აშშ-ის პრეზიდენტის მიერ ნიგერიის „განსაკუთრებული შეშფოთების შემცველი ქვეყნების“ სიაში შეყვანის შესახებ ერთი დღის შემდეგ გამოქვეყნდა.
